Պատմություններ գնացքում

«Պատմություններ գնացքում» ներկայացումը Հենրիկ Մալյանի անվան թատրոնի ամենասիրված ու հայտնի բեմադրություններից է: Այն իրենից

ներկայացնում է երաժշտական-պարային ֆանտազիա` բեմադրված Վիլյամ Սարոյանի վեց պատմվածքների հիման վրա։

Գործողությունները սկսվում են կառամատույցից և տեղափոխվում գնացք-բեմ, որտեղ հանդիսատեսի առջև բացվում է մարդկային տարբեր ճակատագրերի ու կրքերի մի խայտաբղետ գունապնակ: Գնացքի ուղևորները, լինելով բոլորովին տարբեր, այս կարճ ճամփորդության ընթացքում աստիճանաբար դառնում են մի մեծ ընտանիք։ Գնացքի պատմություննեի կենտրոնում Սարոյանի հավաքական հերոսն է` Արամը, ով լուռ դիտորդից վերածվում է իրադարձությունների գլխավոր մասնակցի։ Այս ներկայացումը մարդու, սիրո, հ��յրենիքի կարոտի և կյանքի հավերժական ընթացքի մասին է` փոխանցված սարոյանական ջերմությամբ։

Բեդրությունն ու բեմականացումը` Նարինե Մալյան

Դերերում` Սամվել Թոփալյան, Հայկ Սարգսյան, Վահագն Գասպարյան, Արա Սարգսյան, Գեորգի Հովակիմյան, Քրիստինա Հովակիմյան, Կարեն Խաչատրյան, Անգելինա Անտարյան, Լևոն Ղազարյան, Հայկ Սարգսյան, Լիզա Ազիզյան

Կազմակերպիչ՝ Հ. Մալյանի անվան կինոդերասանի թատրոն